بتباشر بيك
"""""""""""""""""
بتباشر بيك لما اشوفك
او اسمع صوت وألمح طيفك
ياقمر وناس ياأعز الناس
دى الحنة منوره فى كفوفك
وبتباشر بيك لما اشوفك
من يوم ماناديت حبك جانى
مقدرتش افكر لثوانى
القلب اهو مال اجمل م المال
والدنيا احلوت شئ تانى
من يوم ماهواك بالشوق جانى
وكتبنا العهد بينى وبينك
وقدرنا على جبينى وجبينك
وازاى ننساه مين ينسى هواه
دا القلب اتملى شوق بحنينك
وهوانا مقسوم بينى وبينك
القلب اهو داب من أشواقه
والشجر اخضرت أوراقه
ياعبير رواح وبيشفى جراح
وشهد هواك زين من داقه
لهواك ياحبيبى واشواقه
على شط الشوق شفنا لقانا
والفرحة من القلب معانا
مطرح مانروح راح نبنى صروح
وقدرنا ينور فى سمانا
وعلى شط الشوق تسعى خطانا
بتباشر بيك وانت معايا
فى اجمل لحظات عاشها هوايا
ياحبيب الروح يادوا المجروح
قربك بينور دنيايا
بتباشر بيك وانت معايا
بتباشر بيك
"""""""""""""
جمال على الشرقاوى
شاعر العامية
مليج منوفية
