**********
بقلمي✍️السيد عطاالله
بنت جميلة وزي النعناع
لا تقول لي ورد ولا بتاع
جمالها فدان و زاد ذراع
ملونة بكل ألوان الطيف
جميلة قوي لولبية
حتة قشطة مهلبية
هتجنن كل البشرية
رعد في عز الصيف
شعرها و صدرها باين
لها معجبين و زباين
فستانها ورد و جناين
لما غسلت حل خريف
لبست بنطلون مقطع
مكياج بالوش يسطع
غابة و الوحوش ترتع
بسبب شيطان حريف
كأنها أجمل الستات
تمشي بغرور وثبات
من زمان الحيا مات
إيمانها بقلب ضعيف
راحت النخوة م البيوت
تفكيرنا بالسكر و الزيوت
الغيرة ملهاش و لا صوت
غريبة بعد ما كانت سيف
أنا لو خيروني كإنسان
مفيش أحلى من زمان
الحيا و الحشمة عنوان
موجودة بمدن و ريف
كلمات السيد عطاالله.
