( طعن الظهر )
،،،،،،،،،،،،،،،،
اليطعن بالظهر ماينحسب رجال
اليحچي اگبال وجهي اهواي افضله
مو طبعي التدخل في شؤن الناس
ساكت وبسكوتي أمغطي الزله
ولاطبعي النميمه والگلت والگال
ولا گصيت صاحب گلت بيه خله
دوم امشي عل طولي معدل ابمششاي
اكشخ واليضدني حاط بيه عله
ما ادور اتختل من وره البيبان
دوم اگصد التلعه وصاعد التله
صرت مثل السمچ ماكول مذموم
من بعض البشر يانوع يامله
وافزع لو نخاني الصاحب ابنص ليل
واتحزم احزام احزامي ماحله
سموم الصيف ماهمني وشمس تموز
ولا برد الشته وي طيحت الچله
ولا سديت بابي ابوجه جيت الضيف
الخير والشريف الباب يندله
ولايوم ابوجه خايف غلگت الباب
ويمي التستحي چلابها تفله
جاراتي خواتي وفوكهن نبراس
والعنده حزن لو طبني يتسله
الرجال انواع واحد عن ألف تلگاه
وتشوف الاف لاچن بالفعل قله
،،،،،،،،،،،،،،،،،،
سلام المرياني
