سَكنت قلبي لكل بنات حوا
وعيوني واحساسي وروحي
علشان قلبي سَكن شعبي
وفرغ صبري و زادت جروحي
حفظوني وعرفوني ولكن
بداري دمعي وحُرقتي ونوحي
أنا قلبي الحتة البيضا
اللي ف صدري
صبحت ألوان
وشعاع النور اللي ف فجري
صبح قلقان زي المجنون
تايه حيران معيشني ف قلقي وفكري
ويقولوا قيس أطلع روميو لا دانا شمشون
حبيت الورد وبساتينه وبفكر أحب البستاني
عايش متصابي محروم
مبخافش لو الناس حتى لاموني
والعقل كمان تايه سكران
مش ممكن أبدا تلقاني
سقا ف حضرة
أو جوه ف دير خادم للعدرة
أو يمكن بكرة زي الأكره
فاتح أبواب الخير سباق للغير
زي الطير قلبي بيطير
من شجرة لشجرة
بس ياريت أرجع انسان
وأقدر أوصل بس الفكرة
دا أنا سامع ألسنة العالم
بتهته وتقول خلينا لبكرة
كلماتي:
الشاعر: حليم محمود أبوالعيلة
مصر
