الاكاديمية ‏العربية المغربية ‏للشعر ‏والادب

زْمَانْ عَجَب..

ما أَحْلَاهَا كِلْمَة خُوَي

ما أَحْلَاهْ كْلَامْ الذّهَبْ

الأَيَّامْ تِجْرِي بِينَا

وَالشِّيبْ رَاهُو قرُبْ..

تْفَكَّرْتْ وَقْتِ الصِّغُرْ

تْذكّرْت زَمَانْ الشَّغَبْ

تْفَكَّرْتْ جْنَيْنَة دَارْنَا

وَلَعْبْنَا بْلَاشْ تعَبْ...

دُرْجِيحَة قُدَّامْ الدَّارْ

وَغُمِّيضَة وَجَوّ عْجَبْ

وْطَلَّة بَابَا وَيَامَّا

كَالنَّسْمَة وَقْتْ إِلِي تهِبْ..

تْفَكَّرْتْ نْهَارْ نجَاحِي

زْغَارِيدْ وَبْخُورْ وَحضُبْ

وْخُوي علَيَّا ينَادِي

الْغَالِي رَاهُو كْسَبْ...

تْفَكَّرْتْ يُومْ طهُورِي

الطَّهَّارْ عَلَيَّا يْلَوُجْ

شْدُّوهْ، رَاهُو هْرَبْ!

تْذكّرْت وَقْتْ جَمِيلْ

فِيهْ نِجْنٌحْ وَنْطِيرْ

فِي دُنْيَا دَارْ عجَبْ...

بقلمي عماد الخذرى 

بالعامية التونسية 

تونس فى 27/06/2025

حضب: مجموع حضبة (جمع من الناس)

يلوج: يبحث