كنت بحبك
أيوه صحيح
كنت ف قلبي
نبض مريح
كنت ف عيني
شخص مليح
كان أملي تشوفني
مره عينيك
واشوفها تقولي
نظري عليك
كان نفسي أحس
بنبض فؤادك
عالي يقولي
انا دايب فيك
تعالي وخدني
انا مستنيك
حنيت علشانك
عتب البيت
وهواك والشوق
قايدينلي شموع
نارهم كاويه
ف صدري ضلوع
كان نفسي
تقولي خلاص
أنا جيت
كان أملي أشوفك
نور البيت
يا خساره شموعي
طفتها دموع
والحنه لاقيتها
نغم موجوع
بيقولي حبيبك
فاكره ف إيدك
وإنه يريدك
عدي وراح
فضل غيرك
يكتر خيرك
عيش ف براح
نام وارتاح
بكره تلاقي
حبيب مرتاح
قلبه يساعك
خيره بتاعك
إخلاصه مؤكد
مش سواح
شهده مكرر
حبه معطر
كله فواح
* انتهت من فضل الله تعالى قصيدتي ( كنت بحبك ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
