الشاعر صبرى عبد الواحد الحسانى
سهمى لما يصيب
انا سهمى لما يصيب
ما فيش طبييب منه يداوى
لا هينقذك منى قريب
ولا غريب محترف ولا هاوى
انا حبى نادر فى الوجود
فكر كويس لو كنت ناوى
اللى أحبه يبقى ملكى
واكون ملكه مش بالغناوى
حب راجل عارف الاصول
شاعر هاشم صعيدى قناوى
حب بدايته الصراحة
احكيلك وحكايتك تكون لى راوى
لا تخبى عنى ولا اخبى عنك
ولا إدارة عنك ولا عنى تدارى
انا سهمى لو صاحبك يا بختك
اللى فات من عمرك هيبقى حكاوى
تبدأ حياتك من جديد
مع قلب صافى طبيب مداوى
والدنيا تبقى ملك يمينك
لكن صارحنى لو كنت ناوى
انا اللى وصفت الحب فى شعرى
وقلت إنه للحبيب مداوى
ونار الحبيب للمحب جنه
وبعده ما فيش ليه شىء يداوى
انا بعرض حبى عليك
رد عليه لو كنت ناوى
