................
زياد متلك ما عاد ينعاد
عالبنان مهما الزمن جاد
عبقري خلقت عاكل مسرح
ياما من فنك اللحن استفاد
فيروز غنتك بكل مطرح
بصوت شادي قصيدك شاد
صار الزهر يدمع ويفرح
عارخام المسارح يرقص الفؤاد
هونيك بالكلام كنت تسرح
ولسان للحكام يوجه الانتقاد
وجع شعبك بلسانك تطرح
تتزيل عن وطن غيمة سواد
انتقدت بلطافي ما كنت تجرح
خفيف الظل والعقل هاد
بكيت الوطن والقلب جرّْح
دمع الحزن عملك رماد
بقلبك لبنان يسرح ويمرح
بنيتلوا عرش نور للعباد
ما غاب عنك وعنك صرّْح
غبتوا عنو وبعدك ساكن
بقلب لبنان الجرح زاد
............ ...............
بقلم الأديب والشاعر يوشع علي إسماعيل
