شوفت عيونها سرها سلطاني
سحرتني وخلاّتني تايه وحداني
خلاّتني نتكلم بكلام غيواني
رموشها كتهدر حكايات زماني
حاجبها يغطي بلا عنواني
فيه الدفا وفيه نار نيراني
خطواتها نسمة دوز بلا استئذاني
تفرح الدروب وتحيي لي زماني
همسها ناي يطرّب مسامعي بألحاني
يعزف لحن الغرام ويحيي وجداني
ضحكتها ضو ينور أركاني
يمسح دموعي ويرجع قلبي فرحاني
عنقها غصن يتمايل مع ريح جَوّاني
يزهر ورد ويعطر أيامي وزماني
وجهها قمر يضوي وسط حرماني
يفتح باب الأمل ويطوي الأحزاني
لمستها دوا تداوي جرحي بلا بُرهاني
تكسر قيودي وتحررني من عدياني
صوتها عود يرن فوداني
يحكي حكاية حب باقي فوجداني
نظرتها سهم يخترق صدري ومكاني
تخلي أثر عميق باقي فكياني
سكوتها بحر عامر أسرار وأماني
كل موجة فيه توصلني لشط حناني
كل لحظة معاها حلم سماوي رباني
يزيد الشوق ويكتب حياتي بألواني
حبها نار تحرق وتحيي وجداني
وتخلي حياتي كلها غرام ومعاني
الزين التطواني خلى قلبي تيعاني
اش داني نشوف عيونها، اش داني
✍️ بقلم الزجال حسن السريفي
