كلمات شاعر بني هاشم
الشاعر صبرى عبد الواحد الحسانى
مش كل ولا كل
مش كل ضحكة تبقى فرحة
فى ضحكة من قلب موجوع
مش كل ابتسامة تبقى سعادة
فى ابتسامة بعد الدموع
مش كل الناس عايشه فى نعيم
فى ناس كتير بتموت من الجوع
مش كل ذكر يبقى راجل
فى رجال للنسوة بتطوع
مش كل اخ ببخاف على اخوه
فى اخوات تتمنى لإخواتها الوقوع
مش كل مال تشوفه حلال
فى أموال من طريق غير مشروع
مش كل ولد بار بأبوه
فى إبن كلام أبوه غير مسموع
مش كل زهرة ريحتها عطرة
فى زهرة من ريحتها تنزل الدموع
مش كل حب بيكون صادق
فى حب مصالح وحب مصنوع
مش كل ولا كل ولا كل
فى حاجات تبان جميلةتخلى القلب موجوع
