الشاعر/صبرى عبد الواحد الحساني
معلم بمدرسة الإصلاح الزراعي بنجع حمادى
محافظة قنا جمهورية مصر العربي
ازاى ارضيك
ارضيك ازاى
قلى ازاى ارضيك
لو طلبت روحى
عنيه قبلها اديك
ما عنديش اغلى منك
اسيب الدنيا واجيك
اللحظة عندى فى قربك
بسنين بعيد عنيك
الكون كله بشوفه
وانا جنبك بين ايديك
فى قلبى ما فيش غيرك
وما اقدرش استغنى عنيك
لو الدنيا غاليه قيراط
أنت بفدادين ألوف اساويك
بحبك حب جنون
وعدوى من يعاديك
الفرحة لما بشوفك
بتكون بيك وليك
حياتى وعمرى واملى
فى الله عليه بهديك
يا عمرى كله وحياتى
أنت منى وانا منيك
اطلب طلباتك اوامر
أنا كل املى ارضيك
روحى بروحك هايمه
أنا بعشق ترابك اراضيك
امانه عليك ما تأسى
أنا قلبى سلمته ليك
خليك عليه حنين
هو متعلق بيك
اوعى تأسى عليه
أو حنيته تغريك
وتقول خلاص ملكته
وخلاص بقى فى ايديك
أنا قلبى كرامته بالدنيا
لو كان حتى بيموت فيك
لو حس باهانه منك
ينسى حاضرك وماضيك
خليك حنين على قلبى
زى ما تديه هيديك
بصراحه انا بحبك لكن مش اكتر من نفسى أنا بعشقك لكن مش اكتر من حياتى
أنا ممكن تتسامح معاك فى اى شىء الا كرامتى
كلمات صبرى عبد الواحد الحساني معلم بمدرسة الإصلاح الزراعي بنجع حمادى محافظة قنا
