إوعى تبكى على اللى سابك
واللى راح ولادق بابك
واللى كان سبب عذابك
قوله رد الباب وراك
سبتلي إيه تاخده وياك
خد عذابك خد جراحك
وخد معاهم نار جفاك
وخد دموع محبوسه فى عينى
وخد معاهم ذكريات محاها إنتظارك
ومع السلامه يلا فداك
بكره ترجع تترجى قلبي
وأنا ساعتها هكون نسياك
وأنا مش هبكى ولا أندم
على سنين قضيتها معاك
لأنه أكيد أنت اللى هتندم
وهتيجى راكع من الهلاك
وساعتها أكيد أنا اللى مش هقبل
إنى أعيش ولا ثانيه معاك
********************
منى عبدالحليم عبدربه
شاعرة الجنوب
