بقلم عبد المجيد برادة الملقب بذاكرة الشعرية والزجلية

قصيدتي الزجلية بعنوان مال الزين قلب وجو علي 

شفت الزين في جمالو وفي حسن افعالو  

سبحان الواحد الخلاق من يحب يكبر شانو

قلبو يتنزه في بستان الطعات ويرطب لسانو

بالحكمة ويفطن اهلو واحبابو وكل جيرانو 

بالتهليل والتكبير والتسبيح يملئ نهارو

وبصلاة على الحبيب المصطفى ينور امكانو

هذا عبد المجيد برادة الملقب بذاكرة الشعرية

الزجلية شاعر الحمراء ونسمات الخ يصلي على

 نبينا ماخط حبر على ورق ودون مدون في دوانو

اح هزيت ايدي بلاستغفار للواحد العالم بي 

وملائكة الرحمان دايرا بيا ونسعى في غفرانو 

حبيبي لداويت ليه جراحو بيديا بجوج وضوات

لي القمرة فكترت ليالي وهو يصيح بالم اسقامو

جاني النوم حب يبات افتح بواب عني لقى فيهم 

السهران اليبايت مع مجمع فيه اهلو واخوالو وعمامو

طعمتو من طعامي وسقيتو من ماء سقاي ودفيتو 

بنار دفاي وطيبت ليه ليالي مقامو ولذة حلوة منامو

هجرني الاهل والاصحاب وكتر العتاب علي اه 

قلبي فيه البلية ماتى يسحى ويفيق من احلامو 

بعدما صحاح عود صحتو وقلب وجهو علي 

ولاسال عليه سلامي يخبروه جدران وبقاي مكانو

مايسول في وجرحني بسكين لسانو دمى دماي 

وطعمني من غدر اناء حثى شبعت من ايدامو 

باح اسراري لعدياني ولسعني مثل لسعة الحية

في الحارة اتغنوا باسراري والبندير الدف مبين لي كرهو

سبحان الواحد الدايم العظيم الوهاب افتح ابواب 

الرحمة لمن يحبو ومن اعصاه لقاه في جهنم نيرانو 

الدنيا مايسحى من بها ولهان بحبها ويلا سحى 

يلقى الحسرة والندامة والالم يقطعوه واجلو قدامو 

بقلم عبد المجيد برادة الملقب بذاكرة الشعرية والزجلية المراكشية بالتاريخ 14 4 2025