..................
أطفال
يتاما بدور ع الحنان
بتسال البشر بتقولهم
فين الامان
واحنا يتاما ومحرومين
من كلمة حلوه يسمعوها
او لحظة عطف يحسوها
انهم بنادمين
يتاما وطول عمرهم
محرومين
من عطف ام وحنان اب
متيتمين
وفي الشوارع سكنوا
لابيت يلمهم
ولاصدر دافي يضمهم
يلقوا فيه الحنين
عايشين ياعيني
الحياة بقلب حزين
بيدور علي حد ليهم
يسمع صوت الانين
اللي جواهم بيقول لنا
انتوا ايه ياعالم
مش مسلمين
فين الانسانيه يابشر
هي خلاص ضاعت
وانتحر
الحب في قلوب الناس
والقلوب علي بعضها
بقت حجر
والرحمه خلصت
خلاص من قلوب
كل البشر
بقت خلاص عمله نادرة
اتقل خيرها في البشر
والله حرام عليكم الظلم
اللي فيكم انتشر
يابشر
ولاانتوا ايه مش بشر
بقلم عبد المنعم مرعي
