سلام الله على الأرض واللي ساكنين فيها
سلام على قلوب صافية والنية اللي فيها
سلام على الطفل اللي يبكي من غير خطية
وعلى الميمة اللي عايشة في بلاد محمية
فالعالم ولا غابة فيها ذياب وفريسة
صوت المدافع يغطي على أغاني الكنيسة
طيور السلام تاهت وسط دخان وحريق
والأرض كتنادي وا ناس فين هو الطريق
سلام على الصحاري اللي عطشانة للمطر
سلام على القرى اللي شافت غير القهر
سلام على المدن اللي ولات بلا أمان
على الشعوب اللي باغية تعيش بلا دخان
حروب الشرق والغرب والدم سال أنهار
بسباب الكرسي والمال وقلوب كلها نار
يا ناس فين الرحمة فين العدل والإنسانية
فين السلام اللي حلمنا به من قرون ماضية
سلام على الجبال اللي بقات شاهدة على البكا
وعلى العيون اللي سهرت والدنيا بقات حكا
سلام على الطرقان اللي مرّ منها اللاجئين
وعلى الصغار اللي ماتوا والظلم باقي في العينين
بغينا عالم جديد فيه الحب بلا حدود
بلا قنابل نووية ولا جوع ولا قيود
نرفعو الأيادي للسماء نقولو كفى يا زمان
كفى دماء كفى وجع كفى الظلم والخذلان
نزرعو وردة فقلوبنا نعطيوها للجيل الجاي
يمكن يلقى السلام اللي حنا عمرنا ما لقيناه معاي
نكتبوه فالتاريخ هنا بدات الإنسانية
هنا ولات الأرض جنة عامرة بالأخوة والحرية
بقلم الزجال حسن السريفي
