قلت لليل ياعز الونيس
صوت المآسي بان علامو
فـ درب الغربة ما تنحس
والهم داير بيّ لجامو
مشيت فالظلمة بلا شمعة
والريح تطفّي لي أحلامو
ونجومك طاحت بالدمعة
كلّ واحد نسى مقامو
سكاتك صاب قلبي بالسهم
وفجّرت صخرة قدامو
واش ما كاين غير الألم
وسدود واقفة فأنظامو
آ خالقي لا بغيت نسكت
ينطق فحنيني كلامو
رحماك، عبدك راه تبّت
يطلب رضاك وسلامو
عيني سهرانة بلا نوم
والشوق ساكن فـعظامو
ما بقى لفرحي شي يوم
والصبر شارف قدامو
صاح الغراب فوق السطح
يبكي على رزق حرامو
والحق مشى وسط الريح
ضاعت عدالة حكّامو
يا ليل بْلا شمسك نتكوى
والميل نازل بسهامو
واللي عشق يلقى بلوى
يبكي ولا يسمع لُوامو
بغيت نطير بحال الهيم
نرتاح فـ حضن الغمامو
ولا نكون نجم فـ الغسيم
يشهد على ظلمْ أنظامو
بقلم الزجال حسن السريفي
