..............
الوهم والحقيقه
يا متوهم خليك بالحلم غارق
مرارت الوهم بالمعالق شارق
بنالك قصر عا راس تلي
وعبرت عاجناحوا مضيق طارق
شمس الوهم ما هلت هلي
ولا نورها من الشرق شارق
متل العبا ميِّ بقلب سلي
وإجا يسقي قلب العطش حارق
الحقيقه بعكسو نورها متجلي
فجرها عِباب الليل خارق
جدلت بزنودها للحياة شلي
فرخ سَبلها عاكل المفارق
وبَنت بيت بِحلي متحلي
كوخ جمال القصر سارق
وشبعت عطاشا وقلب خلي
فرفح بالحقيقه عالوهم مارق
الخيال صوت شاعر معلي
بلسان الشعب الأمل بارق
ووهم شاعر سعرو ما بِغلي
بخوض الحرب عامخدة الأحلام
بيوعى من الحلم منكس البيارق
.............. ...............
بقلم الأديب والشاعر يوشع علي إسماعيل
