يا عينيك
بقلم شريف شحاته مصر
يا ساحرنى بحسن جمالك وشاغلنى برمش عينيك
أسأل أنا على أحوالك والبال مشغول حواليك
يا شاغلنى برمش عينيك
بالك على طول مشغول وفايتنى أنا فى طول ليلى
وأحتار مع نفسى وأقول آه يا طول سهرى وطول ويلى
وأتمنى يروق لى زمانى وتطيب أيامى معاك
من شوقى ومن حرمانى يا تاعبنى فى ظل هواك
قلبك إمتى يهنينى يا شاغلنى برمش عينيك
وتشوف أحلامك عينى يا شاغلنى برمش عينيك
يا عينيك يا عينيك ياااااا عينيك
أيام بتزيد فى جروحى وأنا وحدى قاعد مستنى
وأصبر نفسى وروحى ولا مرة بتسأل عنى
ولا يوم بيمر فى بالك تسأل وتطل عليا
ولا طيفى يدور فى خيالك ولا نظرة تشوفها عينيا
وأستنى تدق فى بابى يا شاغلنى برمش عينيك
وترحم نارى وعذابى يا شاغلنى برمش عينيك
يا عينيك يا عينيك ياااااا عينيك
لو تعرف شوقى وحبى تحفظنى جوة عيونك
وأنا أشيلك جوة فى قلبى ولا أفكر مرة أخونك
إسمح لى أوصف فى مشاعرى وياك وجمال إحساسى
وأكتب فيك غزلى وشعرى وأفكر فيك لو ناسى
ويروح حرمانى وصبرى يا شاغلنى برمش عينيك
وأتهنى معاك طول عمرى يا شاغلنى برمش عينيك
يا عينيك يا عينيك ياااااا عينيك
