رمالي نظره
من بعيد
قلبي قالي
اليوم دا عيد
شوف بقالنا
قد ايه
نتمني نظره
من عينيه
يومها سابنا
وراح بعيد
شغلنا يومها
من جديد
إيه يا قلبي
حنعمل إيه
حبيبنا راجع
تاني ليه
أسرنا تاني
بنظره حلوه
من عينيه
ناوي وصله
ولا إيه
قول يا قلبي
حنعمل إيه
قالي قلبي
حقولك إيه
عيونه حلوه
وسحره فيه
غرامه قاسي
حرام عليه
كتير شغلنا
وروحنا ليه
في ايدنا جنه
وشوقنا ليه
خلانا لعبه
ما بين ايديه
يا قلبي مالك
قاسي ليه
هوا انت قلبه
ولا إيه
خلاص كفايه
بلاش ملام
احساس بيوجع
ده حرام
ريحني طيب
في الكلام
روح لبيته
اطلب ايديه
إن قلبه وافق
حبه واعشق
نور عينيه
صون وداده
وخلي قلبك
ملك ليه
وإن ساق دلاله
وعاد لحاله
انسي حبه
داوي هجره
وظلم قلبه
ورد عينك
عن عينيه
* انتهت من فضل الله تعالى قصيدتي ( رمالي نظره ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
