نار فراقك
رحتي وتركتيني بنار
النار بتحرق شو ما كان
عالجنبين تركتي النار
نار فراقك من زمان
***
والله بحبك داب القلب
وصرتي بعيني رمز الحب
حب وقلب وشريانين
شريانين وحب و قلب
وقلبين وحب وشريان
***
حاجب عينك متل السيف
ضحى بقلبي هاك الصيف
عين وطيف وقربانين
قربانين وعين وطيف
وطيفين وعين وقربان
***
لما ضحكتي بوشي أمس
صارو ورودي يحكو همس
ورد وشمس بستانين
بستانين وورد وشمس
وشمسين وورد وبستان
***
غيابك خلا عقلي يسوح
وسكرت منو ورود الدوح
خمر وروح وسكرانين
سكرانين وخمر وروح
وروحين وخمر سكران
-------
محمد حبيب يونس سورية
