تجرع وتشرب مدامة كاسها
لعد گبلك لون دامت ماتجيك
وانت مغرور وتعمر سسها
كلها تمشي والعمل يبقى معاك
ماتت ملوك. وبقت حراسها
ان چان عندك ذره من صحوت ضمير
واعرف المثلك جليل احساسها
المن جبينه تطيح گطرة مستحاه
هذ من صنف الخنى وارجاسها
لو اريد احچي اسولف وي عجيد
ما اسولف وي غبي من انجاسها
لا ورب السمه ورب الراقصات
والي بچفه الخلگ انفاسها
يعمن عيوني واجدي الشوف بيك
هاي كل السالفه ومن راسها
ذيل الاطوگ عوج لا مايستقيم
ينجس الماي وينجس طاسها
الشجره ماتنهظم لو طگها الحديد
تنهظم چي خشب يدت فاسها
وين انت وين ديوان الشيوخ
لا ولا توصل لتك أمداسها
لا چن الشر عامي گلبك مستحيل
تميز بين البشر ورجاسها
وانت برنو موش كل جف تحتويك
وموش كل واحد ردي لباسها
اليحجي عن الناس والامنت بيه
هذ لحذيت الزلم لحاسها
يعتبر بروحه الكهوچي وماله ساس
وايده خشنه من لزم محماسها
جان صباب اگهوه بديوان ابوي
ومن بعيد يباوع الترباسها
والله وسفه واخر ايامه يريد
أيبوگ من عيون ورده انعاسها
خلني ساكت لا تحدني عليك يوم
واكشف الصره واطلع احواسها
المهره الكحيله الاصيله تفوع غيض
تحس من ندسه وتذب رفاسها
البغل من يفتخر وبخاله الحصان
وعوده معروف شكوت جباسها
شدو اعيونها واجاها بلايه شوف
غصب سواها وجذب ماباسها
يا الهي اعتذر منك شرد اگول
ابصدري ايوسوس عقد خناسها
وانت تعلم ماخفيت وشرد اگول
وانت وحدك تعلم بكل ناسها
الجاي من بغداد والرايح عمان
ومنهو حط رجله بارض مكناسها
حــــــــــ النواظرلــــــــم
